Weil unser Vorstellungsfilm so gut angekommen ist, haben wir ihn übersetzen lassen – und zwar in unser Holsteiner Platt. Wir wünschen viel Freude beim Filmgenuss!
Der Filmtext zum Mitlesen (und -sprechen):
Moin! Wi sünd de Stiften vun de Sporkass Holsteen.
Dat Rebeet vun unse achtteihn Stiften reckt vun Ostholsteen över Stormarn bet na Norderstedt un Hamborg.
Wi hebbt besünner Steden, woneem een wat lehrn kann: Dat Beleevnis Kökengoorn Slott Eutin, dat Beleevnis Bungsbarg, un dat Naturbeleevnis Grabau.
In uns Galerie in’n Marstall Ahrensborg wiest wi Kunst vun hüüt un hölpt de Lüüd to verståhn, wat de Künstlers dormit seggen wüllt. Blangen uns Galerie in de Wåtermöhl Trittau gifft dat uns Atelierhuus Trittau. Dor geevt wi siet dörtig Johren Stütt för en Kunststipendium.
För de Eutiner Lannesbibliothek hölpt wi siet tweedusendtwintig ok mit Stütt för en wetenschoplig Stipendium.
„Gemeinsam Allem gewachsen“ – Wi holt tosåmen! Dat Fruenshuus in Ahrensborg, dat Olenwåhnhuus Burg op Fehmarn un dat Hospiz „Lebensweg“ in Stormarn, de kriggt Stütt mit egen Stiften.
In’n hele Rebeet vun uns Sporkassenstiften sorgt wi dorför, dat dat automatische Defibrillatoren gifft, de jümmers to Hand sünd.
Uns hört de Grabauer See to un de Grabauer Forst, un wi passt op, dat dor bi’t Wirtschaften „Nachhaltigkeit“ praktizeert warrt.
Wi geevt Stütt de Kreissportverbänn vun Ostholsteen un Stormarn un de Vereene, de dor tohören doot.
Twee Gruppen vun Helden sünd de Standbeen vun uns Arbeid in de Stiften: De Kunnen vun de Sporkass Holsteen, de dat mööglig måken doot, dat wi överhaupt uns Arbeid måken könnt un de velen engageerten Minschen in uns Region, de ehre Projekten, Vörhebben un goden Ideen wi Stütt geven un vöranbringen.
Un noch wat: In den Himmel över Holsteen is noch veel Ruum för niege Senkrechtstarters, de mit ehr besünner Talent bannig gode Projekten un gode Ideen ümsetten doot! Wi sünd de Stiften vun de Sporkass Holsteen un ... tohoop kriggt wi allens hin!
